بقلم محمد محزم
شالوا عكشه وقفلوا قناته
والجاى مرتضى سيديهات
وابو الغيط أمين للجامعه
وأحمد عز أخد تخفيض
فى الغاز تلات دولارات
والمحمول بقا برتقانى
والتطبيع أصبح ألو هات
وأبونا طلع خبره وأسطى
فى شغل التلات ورقات
والعصفوره زهقت طارت
حتى التعلب جا له ذهول
من شعوذة البهلوانات
حكومه ناصحه وشطوره
فى تسويق العاهات
قال مطلوب منى أصبح
على مصر أم الإفتكاسات
وأهوده بيفكرنى بقهوجى
طفش كل زباينه بالسرقات
وما بقاش فى القهوه يآنسه
غير الكراسى والمجات
أيوه جااااااااااااااااااااى
